Një 42 vjeçar ka vdekur si pasojë e goditjes nga rryma elektrike.

Rasti ka ndodhur rreth orës 20:10 në Reçan të Suharekës.

Rastin për Arbresh.info e ka bërë të ditur zëdhënësi i Policisë së Kosovës për rajonin e Prizrenit, Vesel Gashi.

Sipas mjekut kujdestar, viktima është dërguar pa shenja jete në spital.

“Sot ne datë 04.06.2024 rreth orës 20:10 policia ka marr informatën se në fshatin Reqan te Suharekës një person është godit nga rryma elektrike. Rreth orës 20:15 viktima është dërguar në emergjencën e Suharekës. Sipas mjekut kujdestar viktima është sjell pa shenja jete. Viktima është G.G. , mashkull 42 vjeç nga Suhareka.“, konfirmoi ai.

Policia ka dalur në vendin e ngjarjes për mbledhjen e provave dhe dëshmive.

“Policia ka dal në vendngjarje dhe njësit përgjegjëse jane duke mbledhur provat dhe dëshmit lidhur me rastin. Hetuesit janë në kontakt me prokurorin kujdestar i cili është duke udhëhequr hetimet dhe do të të veprohet në bazë të udhëzimeve të tij.”, tha ai./Arbresh.info/